ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

ឧកញ៉ា ស្រី ចាន់ថន ប្រកាសផ្តល់ផ្ទះ រថយន្ត និងលុយដល់កីឡាករណាដែលប្រកួតឈ្នះអ្នកប្រដាល់ ប៊ូខាវ

  • ចុះផ្សាយថ្ងៃទី០២ ខែកុម្ភៈ ឆ្នាំ២០២៣ ម៉ោង ១៧:០១ នាទី ដោយ Sao SokEng
  • 1925
  Aa |   aA

ភ្នំពេញ៖ ឧកញ៉ា ស្រី ចាន់ថន បានប្រកាសនៅក្នុងគណនីហ្វេសប៊ុករបស់លោកនៅថ្ងៃទី០២ ខែកុម្ភៈនេះថា លោកនឹងផ្តល់រង្វាន់ជាវីឡាមួយតម្លៃរាប់ម៉ឺនដុល្លារ រថយន្តមួយគ្រឿង និងឧបត្ថម្ភប្រចាំខែរយៈពេល១០ឆ្នាំ ប្រសិនកីឡាករខ្មែរប្រកួតឈ្នះអ្នកប្រដាល់ ប៊ូខាវ។

លោកបានចេញមកប្រកាសបែបនេះ ក្រោយពីអ្នកប្រដាល់ ប៊ូខាវ ដែលអះអាងថាខ្លួនមិនមែនជាជនជាតិខ្មែរនោះ បានចេញមកនិយាយប្រៀបធៀបប្រមាថមើលងាយយ៉ាងធ្ងន់ធ្ងរដល់កីឡា «គុនខ្មែរ» ថាគ្រាន់តែជាកីឡាលំដាប់អាស៊ីអាគ្នេយ៍ ឬអាស៊ានប៉ុណ្ណោះ ហើយលោកថា «Muay Thai» ឯណោះវិញទេទើបជាកីឡាលំដាប់អូឡាំពិក និងពិភពលោក។

អគ្គនាយកក្រុមហ៊ុន 7NG ឧកញ៉ា ស្រី ចាន់ថន បាននិយាយដូច្នេះថា៖ «ជាសំដីចេញពីមាត់ប៊ូខាវមិនអីទេខ្មែរមិនចង់បានលោកប៊ូខាវទេក្នុងនាមខ្ញុំបាទជាអនុប្រធាន កិត្តិយសរបស់សហព័ន្ធកីឡាប្រដាល់គុណខ្មែរ។ ខ្មែរក៏មានអ្នកខ្លាំងដែល បើខ្មែរវ៉ៃប៊ូខៅឈ្នះអោយវិឡាមួយឡានមួយនឹងថវិការបន្ថែមប្រចាំរយះពេល១០ឆ្នាំ។ នេះជាការលើកទឹកចិត្តដល់កីឡាកខ្មែរ តស៊ូដើម្បីមុនមាតុជាតិរបស់យើង»។

លោក ប៊ូខាវ បាននិយាយនៅក្នុងសន្និសីទសារព័ត៌មានកាលពីថ្មីៗនេះដូច្នេះថា៖ «កុំទៅខ្វល់រឿងកម្ពុជាដាក់ឈ្មោះ «គុនខ្មែរ» ព្រោះគេជាម្ចាស់ផ្ទះ Sea Game ហើយគ្រាន់តែជាកីឡាលំដាប់អាស៊ីអាគ្នេយ៍ ឬអាស៊ានប៉ុណ្ណោះ តែបើ Muay Thai វិញគឺជាកីឡាលំដាប់អូឡាំពិក និងពិភពលោក។ យើងត្រូវនិយាយដល់ក្នុងព្រឹត្តិការណ៍អូឡាំពិក ព្រោះរបស់ថៃយើង Original លេខ១ ទៅហើយ»។

តាមរយៈវីដេអូរបស់លោក ប៊ូខាវ និយាយក្នុងសនិ្នសីទសារព័ត៌មានដែលសារព័ត៌មានថៃមួយបានបង្ហោះនោះ ត្រូវបានពលរដ្ឋខ្មែរជាច្រើនសម្តែងការមិនពេញចិត្តលោកជាខ្លាំងដែលនេះបង្កឱ្យមានការផ្ទុះឡើងវិញនូវការមើលមុខគ្នាមិនចំ ខណៈនាយករដ្ឋមន្ត្រីថៃបានអំពាវនាវឱ្យបញ្ឈប់ការតឹងសរសៃកដាក់គ្នាតទៅទៀតលើបញ្ហាកីឡាប្រដាល់មួយនេះ៕ 

 

ព័ត៌មានជាច្រើនទៀតសម្រាប់អ្នក